قصائد الشاعر/ عنيز ابو سالم الترباني
القصيده الأولى:
لي ونة(ن) ما ونها كل ماويق... ويون ع المرقاب من ضاق باله
عمري جرى لي ما حكوا به مخاليق... مكتوب عند الله جل جلاله
شربت كأس المر من غير ما أطيق... شربة ولا شرب الشهد بالرزاله
العيشه اللي تعيشها غير تلزيق... هذا معاش اسمه معاش النذاله
عاديتنا يا شوق مرخي المزانيق... عاديتنا وأحنا غلول الرجالــــــــــه
عاديتنا يا شوق مرخي المزانيق... والمختلف بزر السلايل دوا لــــــه
ما بيننا وبينك وخذ المشاليق... من صاد صيد(ن) يا قنا نيص فاله
الله يجمعنا على ساقة الضيق... هذا يصيح وذاك يردس قباله
تعطي الهلوف يجربوا نشفة الريق... تعطي اليمينه تلقى بالشماله
وجدي على هيل الكفوف المطابيق... اللي رفقهم كان مالك وماله
واللي حكم ما بيننا بالتفاريق... عسى عقيد القوم يفرق حلاله
والصاحب اللي صحبته قهقهة ريق... بيعه ولو ما جاب لك راس ماله
شدوا عليهن النشاما مراييق... من له رديف ع حلاها حوى له
ان زفزفن ورقابهن زي المزاريق... عقب السري طول الضحى هن شلاله...
تسمع وحيتهن تقل سيل مع ضيق... يرمي زباده فوق روس النصاله
لا بركوهن النشامى هقاهيق... في الشمس ما يدنون ظل السياله
ووجوهن من قلة المي محاريق... والكل منهم قال أبو زيد خاله
زبن البنات يقول هذا مهافيق... أنا الظلما والجوع مالي وماله
يشرب من القربه وينمد في الحيق... في الليل ينبر عند معزي دلاله
والكل في نفسه خيار المخاليق... والله يعطي الكل ع قد حاله
القصيده الثانيه:
القصيده الثانيه:
البارحه في الليل ونيت ونه ---------- ماذقت لذ النوم لما القمر غاب
والقلب يشكي والسبب كان منه ---- مصايب الدنيا توريك الاعجاب
قم ياولد هات القلم وابر سنه ------- واكتب لنا من خالص القول ماطاب
واسي على اللي فايت الربع سنه --- واختار له من بيشة اللوز مشعاب
خرجه ثلاث أسنين وهن يغزلنه --------- مابركه في رقعة السوق جلاب
وذويرعه طول وهن يجدلنه ---------- لما معلمته شعر راسها شاب
نص الطقش ماتشبع العين منه ---- كله هدايا من محبين واصحاب
سوقه على اللي تسأل الركب عنه ------ وتقول له كيف أنت يا عز الاحباب
يعطيك من بينون هرجه محنه ------- ويعطيك من علم الرياجيل مثقاب
وقليل اللي ياخذ الحق منه -------- ان صار ربط وحل وابرام واقلاب
وتقول ابوسالم ذنوبه رمنه ------في النقره اللي يعيشن اسباعا كلاب
وتغور دار الذ ل لوكان جنه ------- وجهنم السعرى ولاقفلة الباب
ولاتحسبو علم العرب ضاع منه ----- ولاّ تغير موقفه عقب ماشاب
والدون ماياجب لك القرب منه ------- وعليك بالطيب أن دورت الانساب
وعمر العداوه ماتربي محنه ------- ولو تسحق الترياق للخبث ماطاب
القصيده الثالثه:
القصيده الثالثه:
فقد ارسل
الشاعر عنيز ( قصيدتين) من القصائد الخالده ليصلح بين قبيلتي بني عطية وبين قبيلة الحويطات بسبب بعض الخلافات والمناوشات الكلاميه بين الطرفين
القصيده المرسله لقبيلة الحويطات :
برق(ن) علي القبلة تقزلة سحــابة..... خلتة وانا سهران والذيب نايــم
ياراكب اللي مثل قوس الربابــــــة.....شـ ارب لبن ثنتين امه ورايـــــم
لو طبعه ركيب خبل(ن) عثابــــــه....لولا الخزم مايقرعنه صــرايـــــم
مزين وقشة عقــب ماطق نابـــــه.....طيــر( ن) غرنق وطوله الليل حايم
جـوَد معـاليقه وقلل زهــــابـــــه... ودون الوجوه المفلحة مانت نــايم
وخله علي يمناك زاحول طــابــة... واليتم الايسر هو طريق الغنــايـــم
وبين الحسي والجـرف تلقي ذيابه.. شقر السيوف مغربين الوســــايــم
ياما انكفوا ع زود من راس لابـــــه....وياما افطروا ع راس والسيف صايم
والسيف ماهو سيف لولا نصــــابــه....السيف جيَد ف ايد ابو حظ قـــايـــم
وتعظم في عين الصغير الذبابــــــه..وتصغر في عين العظيم العظايـــــم
وتقول لأبن جازي ان دارك مهابـــه...وعسره على خصم(ن)قوي العزايـم
وتقول لأبو تايه كفـــانــا صـــلابـــه... ياما ارتكبنا من الصلابة جـــرايـــم
واسمع قصيــد عنيــز واقرا جــــوابه...انسان ماله في البداوة خصــــايــم
انـا سمعت ان بينكوا زي الطـلابــــة.. قصيد عذب وواصل(ن) للشـــتايـــم
القصيده الرابعه: المرسله لقبيلة بني عطيه:
من كثر ما قظيت عمري وانا اللوب = وفرقت بين الفايده والخساره
لما عرفت الرزق من داخل البوب = وطرقك أبواب الرزق ما هو معاره
يا راكبٍٍ من عندنا فوق ميدوب = ممشى شهر يتنوشه في نهاره
عليه من وسم الترابين غبغوب = وعليه من وسم المعازه اماره
لقيه درب ويفرقًً منه دروب = ودرب الطبيقه تخله ع يساره
واغشى تبوك ونشد الناس بأسلوب = ولا فرق بين الباديه والحضاره
وتلقى الظيف الله مآكل ومشروب = والغانمه فرسة ولاد النماره
يقدموا لظيف اللي احلى من الذوب = من اصفر تداوى الراس ريحه بهاره
وحتن الغدى يقلط لنا بأعز مطلوب = بحوفٍٍ وناس يقدموه بيساره
انا خوالي ساسهم مقطع حروب = والبر لو خرب عليهم عماره
وتقول يا بن حرب الصبر مطلوب = إكرم ربيبك لا تبين اعواره
والشر لاتشريه لن جاك مجلوب = ما من شرايت الشر غير الخساره
دنياك لو تنظر لها كلها عيوب = ما ظل عِد وما أسطبت لك قراره
واللي حصل نلقاه فالجرد مكتوب = لو تدحره عنك صعيبٍٍ اندحاره
يوم الدهر لَبس لنا الثوب مقلوب = نترك حلاواته ونشرب مراره
ونصبر على الحاظر كما يصبر أيوب = وماظي جدودك غير وده انطاره
والذيب صبح يلبس القرن مقلوب = واستذيب الحُصنِ عليك البشاره
القصيده الخامسه:
القصيده الخامسه:
خذ لك نصوحه قابله للصرافه
وصاة دسمه ودها فرز واتقان
قلب الخبيث يبلشنك اهدافه
والطيب ما هو للخطا حب رمان
ياراكب اللي ما يهاب المسافه
ولا طبعوه فلان وفلان وفلان
جلده رهيف وزاد قلبه رهافه
وطبعه عنود وما يخاطيه الجان
لو اوصفه لاقول عنه زرافه
والا غزال آدمي ما عاشر بغزلان
أرضم عليه الخرج واكسي دفافه
بدويرعن ما قلبه كل هجان
والدو كله قطعه بهرافه
واصبح صباحآ بين حزمين صوان
لقى طريق البر درب الزرافه
واسبد ما تلقى على الدرب فرقان
سوقه على اللي يطربوا للضيافه
ذباحه للضيف جزل وخرفان
طره عن اللي للقبايل لفافه
واليوم صار يقول انا خلفة فلان
خلك حريص من الخطا ومن خلافه
ياما الخطا متداريه فيه صفان
واللي تمادى في الخطا واعنافه
يقعد يحاسب ع الخطا عند ربان
وتغور يوم المراجل صيافه
والا طلابه هايفه ما لها شان
يا محلى فعل السيوف الرهافه
يا محلى ترويحتك وانت كسبان
ومن يومن الدنيا عليها المخافه
واللي تغطى بكسوة الناس عريان
والمرجله ع غير اهلها عرافه
يجوا لها الناس الهمل عرضة بطان
القصيده السادسه:
الشاعر/ عنيز ابو سالم الترباني اثناء زيارته للأردن من نويبع في سيناء على ظهور الابل وتوصيفه الطرق القديمه
البارحه في الليل ونيت ونه ومن السهر اتذوق النوم تذويق
شديت ع اللي فات الربع سنه يلحق وهو ما يلحقنه ملاحيق
شديت فوقه كل ما يلزمنه واشحيت اكثر عليه المعاليق
جبته على درب الطباقه اقنه ودربه تجيبه من سويقه وتشريق
تكيته النقب المخالف ولنه قام يتجفل يوم طب المضاييق
جبته على غضيان واسقيت منه واصبحت به بين الجبال الصلافيق
يلفي على اللي ارفافهم مستكنه يا زين ما تسمع هذيك المناطيق
وتقول ابو سالم ذنوبه رمنه وينتقل من طرة للزقازيق
الصاحب اللي ما بدا العيب منه اللي كلامه زي العسل ع خلا الريق
لا يمنع المكتوب الخوف منه ما في داعي لشكوتك ع المخاليق
القصيده السابعه:
القصيده السابعه:
البارحه بيت ويدي على الديك
طولة نهاري فوق روس الحداريب
بالبندق اللي بزرها دقة الشيك
صمع البراطم زاهيات اللواليب
يا ذيب مشيك للخطا غير يرميك
وتذوق سم الجبع وتموت يا ذيب
لانها علوم وفي المجالس تدنيك
اكفل عليك الهرج عند المعازيب
واسليم في دار العدم ساد من فيك
وانا أجي لك في تعمر وتخريب
كل النبيح وكل هاللي جرى فيك
ما سد في حنات عوج العراقيب
يوم ابن عمك جاع باله يداويك
لقيت ما قس في الردى للحثاريب
يا ابو علي من هبة الريح نعميك
صقرن يسلط ع الوليمه مخاليب
ما قام يرمش عند ما حرك الديك
والفعل ما هو عند لبس الجلاليب
القصيده الثامنه:
القصيده الثامنه:
ياراكب من فوق شقرا صلوفه
تقول نعامة رايبت جرو ذيبه
ركابها يشكي معاليق جوفه
ممشى شهر في يوم واحد تجيبه
سقها على بيت وبه من يحوفه
مصقل بالليل ما ينهوي به
ان جيت ما يعطيك مقرن كتوفه
ما تشتهي قدام تطلب يجيبه
اللي يعيب الرجل طرده ضيوفه
والا مراحه عند حرمة طنيبه
والبوق فيهم ماكله في سفوفه
والله عن البيضا مغيب رقيبه
القصيده التاسعه:
القصيده التاسعه:
قم يا ولد واسي على العود واسي
وارضم عليه ىشداد وخريج بهدوب
ريض ولما أبني لهرجي كراسي
من شان تاخذ لي معك كم مكتوب
أشقر شراري من ركاب الشماسي
مزنة تقفاها من الريح زعبوب
تلفى على اللي حاسيين المحماسي
اللي لهم في هبة الريح شنبوب
وتقول لهم علم العرب له رواسي
يوردوه بدرب وتجيبه دروب
وتقول علم العرب له رواسي
ما هو اولاد ملاطخ شعوب
وتقول لهم اني مصبح مماسي
لا بد من ليلة فرج تفتح البوب
من كثر ما قاسى وجرب وقاسى
اصبحت ظامر زي الجمل يوم مذيوب
الشيب بهدل عارضي قبل راسي
من كثر ما يطرا علي مال منهوب
يا ابو سريع القلب زي ما انت راسي
قلب الخطا بين المخاليق مشعوب
يوم النعاج تعلمت للرداسي
والذيب صبح يلبس القرن مقلوب
وايقت فوق مدعلقات الشواهيق
ويجوح قلبي مثل جوح الربابه
واهذل هذيل في ارض المصافيق
ذيب القرايا يكسر العظم نابه
برق على راس الظلل والزرانيق
وبرق على برشاق يبدي سحابه
يا محلى الفنجال وعلى خلا الريق
ومقدره تلقيمته ع شرابه
من دلتين رقابهن زي الغرانيق
نجر صقيله مشتبك مع طلابه
ولي بكرتين رقابهن زي المزاريق
اقفن وخلن ولدهن للذيابه
صابور لما تجي لكم ساعة الضيق
ويروح اللي ما حسبتوا حسابه
جربت مع مر الرجاجيل ما أطيق
وجربت من عمري شقاه وعذابه
الرجل لو قطع حياته تصافيق
ولا يدني لحيته للخيابه
يا حسرة اللي ما لقوله مواثيق
زي اللي بيصطاد السمك من اذنابه
يا ابو قذيله زاهية بالنقاريش
عسفت قلبي مثل قوس الربابه
عيون زرق ورموشهن يشبه الريش
ومنطق مسوي ع جمالك مهابه
وخرطوم ما لعبوا عليه الملاطيش
ريشه سليمي ساله من جرابه
القصيده العاشره:
القصيده العاشره:
البار حة والقلب فالليل مابات
والكبد ما طايب عليها عشاها
بين اللسان وزيبق المخ شبكات
عند القصيدة كيف نوضح اسماها
قال اللسان ان كان العلم كبات
خساير الطلبة على من بناها
والمخ قال العين للشر مبيات
ومروادها هوالسبب في عماها
وقال المراجل بطلت والحيا مات
والناس صار وجوها زي قفاها
واعرضت عن نص السوالف من سكات
ودلو الظمى لا نقرط وراها رشاها
وشديت علي من ركاب الأحيوات
عوصن شحمها ما يغطي كلاها
أودت بي تخدلج مع نبوع الرخيمات
وكنت من الفيحى بلاد التياها
وتلفي عريب ينقال عنهم الفهيدات
الكلمة العسرى عليهم دواها
ذباحة للضيف عبس الملبات
وضيوفهم تصبح تنادس لحاها
والا بني عقبة تقول ناس باشات
بس ماعرفنا جودها من رداها
قالوا طلابه هايفه وشرها مات
وزغراتها ماهو مغطي غناها
اللي شرع القانون بالعار للعار بالذات
لاهم ترابين ولاهم تياها
زود البنتي أصعب من الصعيبات
وش كود أبوها اللي فحلها عطاها
تحتج من ديرة الى سبع ديرات
وتصيب اللي فديرتها يفتش خطاها
أنتم تياها وتشتكو من المسبات
ويجب على الطلبه نغير اسماها
وتقول للرجاّل يكفاه مافات
والعشقه اللي ماتوانس بلاها
القصيده الحادية عشر:
القصيده الحادية عشر:
ياونة ونيتها عقب نيمه
والعين تتنوش من النوم تنويش
يا ( عشيش ) لك عندي وصاة مقيمه
وصيّةاللي جرب المر ياعشيش
ياعشيش لاتاكل عقاب الوليمه
ولاتمثل للرجال الدراويش
وخلك صبور وخل نفسك عزيمه
وأرضى بكومك لوعطوك الكراكيش
ترى أبوك صبّح في بلاد الظليمه
واصّفر لونه زي زهاب الخراطيش
عقب المعزه والثياب الدسيمه
ورص الزبيديات جنب المهابيش
صرنا هفايا مالنا ذات قيمه
وبس ليش يالدنيا عملتي كذا ليش
وعسى ( معشية المقاوي ) سليمه
اللي مضا على رقمها قايد الجيش
القصيده الثانية عشر:
القصيده الثانية عشر:
قصيده في الرجل اللي يكرمونه العرب علشان سمعة والده الظفر الشجاع الكريم علما بأن الولد
لم يظهر مثل والده في كل ماتقدم 0
ياراكب اللي زاهيه بالرحلي
اللي شحمها مايغطي كلاها
حبيت أوصي صاحبي لايزلي
وصاه من صاحب لصاحب هداها
أوصيك يا ( سلمي ) مصاة المولي
اللي شبع من حلوها ومن شقاها
أوصيك لاتجلس وراسك مدلي
في الجلسه اللي كل ينقل نباها
واوصيك يوم ينومون المصلي
ترى صلاة الليل دسمن جزاها
وترى السعاده دونها شوك سلي
أن كان ما مشيك يوصلك ياها
وياما لحود من الرجاجيل ملي
وياما هفايا عايشه في ذراها
القصيده الثالثة عشر:
القصيده الثالثة عشر:
ياراكب الي مايهاب المشاوير
عود على خرجه تلايم عداده
ابوه شروه من نياق (المناصير )
وامه شريناها من ابا الرفاده
وذويرعه مجدول سير ورى سير
وخرجه سواة معطرات الوساده
لقه طريق البر مع هل المشاوير
وخله على وجه الكريم أعتماده
وتزورلي سكانت البر وتجير
وتجيبلي منهم علوم السعاده
وتقولهم علم العرب طاح في بير
ومن خوف يظهر راصدينه رصاده
والابد ما الدنيا لواليبها تدير
والحق يظهر يوم تظهر أسياده
القصيدة الرابعة عشر:
القصيدة الرابعة عشر:
شدن بنا ثنتين ضمر وسمان
ما فيهن اللى رزمت للحوارى
والدرب جابتنا شمالى غذيان
ومسلحات بصنع دق النصارى
والفجر جن بنا على ناس عمران
ارجال يوم تشارهة ما تشارى
تلفى على بن مسك شيخ وله شان
والشيخ ما يجب عليه المدارى
وتلقى دلال الكيف فى بطن ديوان
شقرا محلى بنهن بالبهارى
وحتن الغداء يقلط لنا بأعز ما كان
بر الذى يكفى ظيوفهم والفقارى
وعقب القرى يا جب على الظيف نشدان
ينشدك وأنت تقول صارى وصارى
تقول أنا قعودى راح ومن كان
ومنشدى شرقى سويقى فى ملاج الحمارى
وما لزنى على منشدك فقر قعدان
واترك لك الموضوع زى ما توارى
أنا قعودى من سلايل اوظيحان
صقراً تعشم بالغدا يوم طارى
احن حسانا وافعل بحق الإحسان
وجت معرفتنا فى السنين الوخارى
أخوك ياما انلزفى غور بيسان
والولد نومى فى عبوب الغذارى
وياما صابحت الموحلى بأم خيران
اللى خشبها زى الغديرى يترارى
وخابر لهن فى برقة السد مكمان
والذيب له فى حنوة السد دارى
لفيتها بالرجل من أربع أركان
باب الشمال البقع وعيون قارى
ومطلع الشمس الحرة ودشة معان
وشرقى تبوك أولاد ولد الامارة
وباب الصلاة الشرم وكحوف تيران
والرملتيين ومع قنيت البدارى
والغرب من مطروح لهظبة أسوان
فيه المصليين نص السكارى
القصيدة الخامسة عشر:
القصيدة الخامسة عشر:
يا أبو براطم زاهيات (ن) بالأوصاف
حرقت قلبي حرق الله دارك
طبعك عنود وترزم لي ,أنا أخاف
حلوك لناس وناس تشرب مرارك
كويتني بالرمش من دون خراف
ويش حال عاد اللي روي من قرارك
تهتز في مشيك تقول عود صفصاف
من خوف واحد يشتلق على عوارك
القصيدة السادسة عشر:
القصيدة السادسة عشر:
البارحه في الليل ونيت ونه
ما ذقت لذ النوم لما القمر غاب
والقلب يشكي والسبب كان منه
مصايب الدنيا ترويك العجاب
قم يا ولد هات القلم وابر سنه
واكتب لنا من خالص القول ما طاب
واسي على اللي فات الربع سنه
واختار له من بيشة اللوز مشعاب
وارخي شليله واطلب العفو منه
تقول ملح وصابته جمرة شهاب
خرجه ثلاث سنين وهن يغزلنه
ما نزله في رقعة السوق جلاب
ودويرعه طولن وهن يجدلنه
لما معلمته شعر راسها شاب
نص الطقش ما تشبع العين منه
كله هدايا من محبين واصحاب
سوقه على اللي تسأل الركب عنه
وتقول له كيف انت يا عز الاحباب
يعطيك من بينون هرجه محنه
ويعطيك من علم الرجاجيل مثقاب
وقليل اللي ياخذ الحق منه
ان صار ربط وحل وابرام وقلاب
وتقول ابو سالم ذنوبه رمنه
في النقره اللي يعيشن سبوعها كلاب
وتغور دار الذل لو كان جنه
وجهنم السعرى ولا قفلة الباب
لا تحسبوا علم العرب ضاع منه
ولا تغير موقفه عقب ما شاب
والدون ما ياجب لك القرب منه
وعليك بالطيب ان دورت الأنساب
عمر العداوه ما تربي محنه
لا تسحق الترياق للخبث ما طاب
السلام عليكم
ردحذفهل يوجد ديوان كامل له .. وياليت تجملونه ع الموقع