الشعر بيته في قفى الضلع عـامــر
فطرت كريم ٍلعتلى مــابنـــيـتـــــــه
ساسه بقلبي مرتكي عالــدوامـــر
لين اعتلى مبناه جيت اعتـــلـيـتـــه
حــــوله حـــدايق جوها دوم ماطــر
ولا كف غيـمه دم قلـــبي سقيتـــه
ربيع فــصول الزهر لـــه فوح عابـر
لا هب نسناس الــروابي حمــيتــه
وليا صــفالي الـــجو شديت فاطـر
مكنافها بســــتان فــــكرٍ حويتــــه
لا مـــن سجت تستفيض الضماير
وراس الــجزايل في ظـهرهارقيته
اتــــفوق ثــــورتها لثــــورة يــنايـر
وتذود لا صار الطمع حـــول بـــيته
ربي عطا والــــكف مد الاشــــاير
على نــــحرها وســم ناري قريته
ولي فكر حرا دسم لاجــاك غــاير
عن شق صـــدر الــصافيه مانهيته
وكفي لبنت الـــفكر لف الــــحراير
مـــن رق ملـمسها يانـــقاض ميته
يشوش راسي في وصاف الغراير
لا مر طيف اصـــويحبي وخــليتـــه
دعج العيون الي تواري الــخساير
اللي لهدبها راس قـــافي حـــنيته
محــــشومة الجــدين فوح العطاير
من سلم اهلها بالخصايل شـريته
عل النواضر فــــي حلاها قــــراير
وحتى لاغض الــطرف خلفه لقيته
ليست هناك تعليقات:
إرسال تعليق